Nafarroako Artxibo Garaikideak, Iruñeko
Udal Artxiboak eta Tuterako Udal Artxiboak konfinamendua dokumentatzeko
materiala eskatzen dute
Nafarroako
Artxibo Garaikideak, Iruñeko
Udal Artxiboak eta Tuterako Udal
Artxiboak herritarrei argazkiak eta bideoak eskatu nahi dizkiete alarma
egoerak eraginda Foru Komunitatean bizitzen ari garen egoera dokumentatzeko,
etxe barnean itxita nola gauden erakusteko.
Artxiboek funts dokumentalak egin nahi dituzte,
eta haietan bildu nola bizi izan zen Nafarroan COVID-19ak eragindako pandemia
eta konfinamendua.
Horretarako, iruindarrek argazkiak archivomunicipal@pamplona.es helbide
elektronikora igorri behar dituzte, eta bideoak eta audioak Whatsappeko 606 540
019 telefonora. Tuterarrek, berriz, material grafikoa eta ikus-entzunezkoa
bidaltzeko bi aukera dituzte: archivo@tudela.es helbide elektronikoa edo
Instagrameko tudela_nav helbideko @Tudelaencasa traolera.
Gainerako nafarrek helbide elektroniko honetara
igorriko dituzte: administracion.donaciones@navarra.es
Argazkiak jpg formatukoak izanen dira, haien
gutxieneko bereizmena 3000 ppp-koa, eta bideoen iraupena 60 segundokoa,
gehienez. Ekimen honetan parte hartzeak berekin dakar irudien erabilera
aipatutako artxiboei lagatzea, beren argitalpenetan eta sare sozialetan erabil
ditzaten.
No hay comentarios:
Publicar un comentario